Ням гариг бүр үзэгчдийг цэнхэр дэлгэцийн өмнө уяж буй “Ододтой бүжиглэе” шоуны оролцогчид хосууд гэлтэй байнгын тэврэлдэж, халуун дотно байдаг. Тэгвэл шоуны оролцогчид хоорондоо романс үүсгээд эхэлчихсэн бололтой.
Олонд “ханхүү”-гээрээ алдаршсан Г.Дөлгөөн-Аюуш хамтран бүжиглэгч Т.Нандин-Эрдэнэ нарыг хайр сэтгэлийн холбоотой гэх шум дэгдээд байгаа билээ. Харин хамтран бүжиглэгч нар ямар ч хайр сэтгэлийн холбоогүй гэдгээ нэвтрүүлгийнхээ үеэр хэдэнтээ тайлбар хэлээд амжсан.
Шат ахих тусам бие биендээ дасаж, жинхнээсээ романс үүсгэхийг хэн ч үгүйсгэхгүй биз. Тиймдээ ч Г.Дөлгөөн-Аюуш хамгийн сүүлийн дугаарынхаа төгсгөлд жинхэнэ хос болох амлалтыг өгөөд амжсан. Зөвшөөрлөө хүртэл Т.Нандин-Эрдэнээс авч байгаа нь олон хүний хардалтыг төрүүлээд амжив.
Зарим нь бүр тэднийг аль дээр хос болсон хэмээн аз жаргал хүсээд буй. Тэдний харилцаа цаашид хэрхэн өрнөхийг цаг хугацаа харуулах биз ээ.