Чингэлтэй дүүрэгт оршин суудаг, нэг сартай хөхүүл хүүхэдтэй эмэгтэй коронавируст халдварын эсрэг вакцин хийлгээд маргааш нь нас барсан. Харин нас барсан шалтгаан нь хавсарсан, суурь өвчлөлтэй холбоотой юу, эсвэл вакцин хийлгэснээс болов уу гэдэг нь тодорхойгүй байгаа юм.
ЭМЯ-ны зүгээс Шүүх шинжилгээний үндэсний төв талийгчийн нас барсан шалтгааныг албан ёсоор тогтоож мэдэгдэнэ, үүний дараа албан ёсны тайлбар өгнө хэмээгээд буй.
Тэгвэл талийгчийн биед задлан хийж эхэлжээ. Задлан шинжилгээний хариу 14 хоногийн дараа гарна гэж ар гэрт нь хэлсэн байна. Харин урьдчилсан байдлаар тархины цус харвалт болж, амь насаа алдсан гэж албаны хүмүүс мэдэгдээд байгаа аж.