“Зөгийн бал” гэх нэртэй бүтээгдэхүүн худалдан авсан хэрэглэгчид үндэсний үйлдвэрлэгч компаниудыг “хэрэглэгчдийг хуурсан үйлдэл гаргасан” гэх мэдээлэл гаргаад буй. Учир нь нүүр хэсэгтээ томоор “ЗӨГИЙН БАЛ” гээд бичиж, доод хэсэгт жижгээр хиймэл үйлдвэрийн аргаар боловсруулсан гэж бичдэг. Мөн ар хэсэгтээ жижгээр зөгийн балны орц найрлагагүйг бичдэг байна.
Найрлагад нь зөгийн бал огт ороогүй бөгөөд хиймэл үйлдвэрийн аргаар боловсруулсан чихрийн сироп юм. Гэвч хэрэглэгчид “Зөгийн бал” гэх үгийг хараад зөгийн бал гэж бодоод худалдан авдаг байна. Энэ бол хэрэглэгчдийг төөрөгдүүлсэн үйлдэл гэж харж байгаа аж.
Найрлагад нь зөгийн бал огт ороогүй бүтээгдэхүүнээ “Зөгийн бал” хэмээн зарах нь хэрэглэгчдийг залилсан үйлдэл үү? Ямартаа ч уг асуудлыг “Шударга өрсөлдөөн хэрэглэгчийн төлөө газар” анхааралдаа авч, асуудлыг шийдэхийг олон нийт уриалаад байна.
