“Зүрх мартахгүй” төслийн багийнхан алслагдсан аймаг, сумуудад үзлэг хийж, иргэд, хүүхдүүдэд амьдрал бэлэглэсээр байна. Хамгийн сүүлийн жишээ дурдвал, тэд Хэнтий Дорнод аймгийн хилийн сумдаар явж, зүрхний үзлэг хийж, яаралтай хагалгаанд орох шаардлагатай хүүхдийг хотод авчирч, хагалгаа хийжээ. Мөн үүнээс гадна Хэнтий аймгаас 60 гаруй, Дорнод аймгаас 70 гаруй хүүхэд 6-10 сарын хооронд хотод ирж, хагалгаанд орох аж.
Төслийн багийнхан ирэх сарын эхээр Булган, Хөвсгөл аймгууд руу хөлгийн жолоо залахаар болжээ. Энэ тухай “Улаанбаатар Сонгдо” эмнэлгийн Ерөнхий захирал Б.Болдсайхан өөрийн цахим хуудаснаа мэдээлжээ.
Тэрбээр “Долдугаар сарын эхээр Хутаг-Өндөр, Тариалан, Их Уул, Рашаант, Мөрөн, Алаг-Эрдэнэ, Хатгал, Чандман Эрдэнэ, Ханх, Ренчинлхүмбэ, Улаан-Уул, Цагаан нуур, Баянзүрх Арбулаг, Бүрэнтогтох сумдаар явна” гэжээ.