2021 оны зургадугаар сарын 16 буюу өнөөдөр өглөө үүрээр 04:00 цагийн үед Хан-Уул дүүргийн нутаг дэвсгэр, наймдугаар хороо Жаргалант хотхонд гэр бүлийн хүчирхийлэл үйлдэгджээ.
Тодруулбал, нэр бүхий УИХ-ын гишүүн эхнэр болох Б-г зодсон байна. Улмаар эхнэр нь цагдаагийн байгууллагад дуудлага өгсөн бөгөөд уруул нь сэтэрсэн байжээ. Цагдаагийг алба хаагчид очиход эрхэм гишүүн гэртээ байгаагүй аж.
Эх сурвалжийн мэдээлж буйгаар тэрбээр эхнэрээ жолоочтойгоо хардаж, ийн гэр бүлийн хүчирхийлэл үйлдсэн гэх мэдээлэл байна. Түүнчлэн өмнө нь 2020 онд хоёр ч удаа гар хүрч байсан талаар эхнэр нь мэдүүлжээ.
Хэргийг одоо Хан-Уул дүүргийн цагдаагийн хэлтэст шалгаж буй бөгөөд гэмтлийн зэрэг тогтоолгохоор шүүх эмнэлгийн шинжээч томилжээ.