Зэвсэгт хүчний 032 дугаар алба хаагчид архидан согтуурч, нэгийнхээ аминд хүрсэн гэх хэргийн тухай бид өмнө мэдээлсэн. Тодруулбал, тавдугаар сарын 21-нд тус ангийн алба хаагчид талийгаач Р.Э-г ажлаас гарахад нь үдэж өгөх нэрийдлээр архидан согтуурч, зодолдсон аж.
Улмаар талийгаачийг 032 дугаар ангийн орчим ухаангүй хэвтэж байхад нь олж эмнэлэгт хүргэсэн ч хожимдсон байжээ. Тэгвэл тус цэргийн ангийн захирагчийн мэдээлснээр амиа алдсан алба хаагчийн үхэлд холбогдуулан тус ангийн хоёр алба хаагчийг цагдаагийн байгууллагаас шалгаж байгаа аж.