Жудо төрлийн бөхчүүд дундаа хамгийн үзэсгэлэнтэйд тооцогддог Д.Сумъяа идэр залуу насандаа 2017 онд Хөдөлмөрийн баатар цолоор энгэрээ мялаалгаж байсан. Х.Баттулга Ерөнхийлөгч түүнд Хөдөлмөрийн баатар хэмээх эрхэм цолыг өгсөн юм. Тэгвэл спортын хүндтэй эрхмээр хэдийнэ тодорсон Д.Сумъяа энэ жилийн Бөртэ чоно наадамд даруухан бөгөөд дэгжин бор шаргал хослол, ногоон өнгийн туфлиэр гоёсон байлаа.
Түүний гаргасан амжилтын тухайд жудо бөхийн төрлөөр 2016 онд Холбооны Бүгд Найрамдах Бразил Улсын Рио де-Жанейро хотод болсон Зуны олимпийн ХХХI наадмын мөнгө, 2017 онд Унгар Улсын Будапешт хотод болсон ДАШТ-ний алт, 2015 онд Бүгд Найрамдах Казахстан Улсын Астана хотод болсон ДАШТ-ний хүрэл, 2014 оны ОХУ-ын Челябинск хотод болсон багийн ДАШТ-ний мөнгө, 2015 оны БНСУ-ын Гванжу хотод болсон Дэлхийн Оюутны их наадмын алт, 2016 онд Бүгд Найрамдах Узбекстан Улсын Ташкент хотод болсон Ази тивийн аварга шалгаруулах тэмцээний алтан медальт, Самбо бөхийн 2012, 2013, 2014 оны ДАШТ-ний 3 удаагийн аварга, Үндэсний шигшээ багийн тамирчин юм.
