Засгийн газрын ээлжит хуралдаанаас гаргасан шийдвэрийг Эрчим хүчний сайд Н.Тавинбэх танилцууллаа.
Ерөнхий сайдаас өгсөн чиглэлийн дагуу агаарын бохирдлыг бууруулах зорилгоор цахилгаан автомашины хэрэглээг дэмжих боломжийн талаарх судалгааг хийжээ.
ЗТХЯ-наас өгсөн мэдээгээр, өнөөдрийн байдлаар, улсын хэмжээнд 1.2 сая автомашин байгаагийн 662 мянга нь нийслэлд байгаа юм. Түүнээс ердөө 492 цахилгаан автомашин байгаа нь чамлах үзүүлэлт гэдгийг салбарын сайд мэдээлэлдээ тэмдэглэв.
Тиймээс цахилгаан автомашины хэрэглээг түлхүү нэвтрүүлэх талаар тодорхой арга хэмжээ хэрэгжүүлэх шаардлагатай гэж дүгнэсэн байна.