Монгол Улсын Хөдөлмөрийн баатар, Бээжингийн олимпын мөнгөн медальт О.Гүндэгмаа энэ жил 46 настай. Нас бол тоо юм гэдгийг өөрийн биеэр үлгэрлэж яваа тэрбээр Хөдөлмөрийн баатар цолыг их эрт залуудаа буюу ид тив дэлхийд бярдаж явах үедээ хүртэж байжээ. Өчигдөр Г.Өсөхбаяр аваргыг Хөдөлмөрийн баатар цолоор шагнагдан гарч ирэхэд Хилийн цэргийн хамт олноо төлөөлөн баяр хүргэж байсан юм.
