Мэргэжлийн хяналтын ерөнхий газраас хөл хорионы үед дэглэм зөрчиж, үйл ажиллагаагаа явуулж байсан гар утас, цахилгаан бараа худалдаа, алт мөнгөний дархан лангуу, дугуй засвар, авто засвар, барилгын материалын дэлгүүр, тавилгын үйлдвэр, хоолны газар, сувиллын газар зэрэг 34 иргэн, аж ахуй нэгжүүдийн үйл ажиллагааг зогсоожээ. Мөн халдвар хамгааллын дэглэм мөрдөөгүй худалдаа үйлчилгээний байгууллагуудын 1486 зөрчил илрүүлжээ. Тодруулбал, зөрчил гаргасан газрууд үйлчлүүлэгчдийн халууныг тогтмол хэмждэггүй, QR код бүртгэл хангалтгүй, хүн хоорондын зай барихгүй байсан зөрчлийг тухайн газарт нь арилгуулсан байна.
Мөн МХЕГ-аас 26 аж ахуйн нэгж, таван иргэний хадгалах хугацаа дууссан 69 нэр төрлийн 455 ширхэг 814397 мянган төгрөгийн хүнсний түүхий эд, бүтээгдэхүүнийг хураан авч устгалд оруулж, Улсын байцаагчид хяналт шалгалтаар илэрсэн зөрчилд 14 хуулийн этгээд, зургаан хувь хүнд торгуулийн арга хэмжээ авсан байна.