Гоо сайхны мэс заслыг эмэгтэйчүүд л хийлгэдэг гэсэн ойлголт хэдийнэ ард хоцорч, эрчүүд энэ талбар руу хошуурч эхэллээ. Монголын олны танил эрчүүд, улстөрчид хүртэл эхнээсээ давхраа оёулж, холливуд смайл хийлгэж, арьсаа татуулахаар гадны орныг зорих нь ихэссэн. Тэгвэл анхны Ерөнхийлөгч П.Очирбат энэ давалгаанд нэгдэж, хамраа засуулсан юм. Оюу толгойн ТУЗ-д ажиллаж байх хугацаанд нь түүний цалин олон нийтийн зүгээс багагүй шүүмжлэл дагуулав. Тиймдээ ч энд тэндхийн арга хэмжээнээс хол байсан эрхэм гэнэтхэн нэг өдөр цоо шинэ хамартай болчихсон гараад ирдэг байгаа. Ерөнхийлөгч асан маань олон жил “балин”, “ховдгийн гай” зэргээр хочлогдож байсан том хамраа хилийн чанадад очиж засуулсан юм билээ. Ямартай ч хамар нь өөрчлөгдсөн тухай сошиалаар шуугихад хамрын тослогийн булчирхай үрэвсэж томордог ринофим /rhinophyma/ хэмээх өвчтэй байгаад мэс засалд орсон гэх мэдээллийг мөнгө цацан хэвлэлээр тарааж, олны хэл амыг намжаах гэж оролдсон. Гэхдээ л ажаад байхад түүний хамрын засвар аятайхан болсон харагдаад байгаа юм даа.
