АНУ-ын Нисэхийн удирдах газар тус улсын иргэний нисэх онгоцуудыг Ирак, Иранын нутаг дэвсгэр дээгүүр болон Персийн болон Оманы булан дээгүүр нисэхийг хоригложээ.
Ойрхи Дорнодод “цэргийн ажиллагаа идэвхжиж, улс төрийн байдал хурцадсантай” холбоотойгоор ийм арга хэмжээ авжээ. “Холбооны улсын нисэхийн удирдах газар Ойрхи Дорнодын байдлыг анхааралтай ажиглаж байна” гэж тус газрын мэдээлэлд дурдсан байна.
АНУ-ын ашигладаг Иракийн дор хаяж хоёр баазад Иран пуужингийн цохилт өгснийг Пентагон өмнө нь нотолсон юм. Пуужингийн цохилтод Айн аль-Асад бааз болон Эрбил нисэх онгоцны буудал өртжээ.
Эх сурвалж: Монцамэ агентлаг