Булган аймгийн Засаг дарга Б.Ариун-Эрдэнийн булчин задрах нь холгүй явна. Өмссөн хүрэм нь багтаж ядан задайх нь аанай л сүрлэг харагдана. Саяхан намынхаа хуралд ийн явахтай нь бид таарсан юм. Тэрбээр төрсөн нутгаасаа буюу Булган, Эрдэнэт, Хөвсгөлд өрсөлдөн, сонгуульдахаар болсон.
Хутаг-Өндөр сумын уугуул иргэн тэрбээр өдгөө хамгийн чанартай ажиллаж буй цөөхөн засгуудын нэг. АН угшилтай засгууд ч угаас энэ төрд цөөхөн бий. Энэ утгаараа МАН-ын бага зэргийн дарамтад ганц гонгинохгүй хүчтэйхэн ажиллаж буй Б.Ариун-Эрдэнэ царай зүс, бие бялдар, амжилтын хувьд бусдаас онцгой.
Үндэсний бөхийн аймгийн арслан цолтой, жүдо бөхийн 6-р дантай, Азийн АШТ-ий мөнгөн медальт, улсын 8 удаагийн аварга, самбо бөхийн дэлхийн аварга, Азийн 5, улсын 13 удаагийн аварга бөх. 2021 оны 5 сарын 26-нд Монгол Улсын гавьяат тамирчин цол хүртсэн юм.
