Монголын үзэсгэлэнт эмэгтэйчүүдийн нэг бүжигчин М.Бямбааг хүмүүс сайн танина. Анх “Зэрлэг цэцэгсийн хүлэмж” уран сайхны киногоор танигдсан тэрбээр үндэсний бүжгээрээ олон нийтийн арга хэмжээнд чамгүй сайн оролцдог. Тэгвэл үзэсгэлэнт бүсгүй саяхны өдөр нөхөртэйгээ ийнхүү аз жаргалдаа умбан байхдаа манай дуранд багтжээ. Анхны амьдралаасаа нэг охинтой М.Бямбаа хоёр дахь амьдралаа энэхүү залуутай эхлүүлж, дундаасаа хөөрхөн хүүтэй болоод байгаа юм.
Нэгэн цагт тэрбээр “Уран бүтээлч, бүжигчдийн эмзэглэж явдаг гол зүйлийн нэг нь энэ л дээ. Бүжигчин гэдэг маш хатуу, хэцүү, яалт ч үгүй залуу насны мэргэжил. Нэг л өдөр тайзандаа гологдож, орхих шаардлагатай болно” хэмээн ярилцлага өгч байжээ. Үнэхээр ч бүжигчин гэдэг гайхамшигтай мэргэжлийг залуу насны гал цогоор л урладаг шүү дээ.
