Хөдөлмөрийн баатар, найруулагч, бүжиг дэглээч Сэвжидийн Сүхбаатартай нэгэн эмэгтэй ихэд дотно явж байсан. Хоёр дахь гэргий, уртын дуучин Д.Оюунжаргалаасаа өрх тусгаарласан гэж хэдэн жилийн өмнө сонсогдсоноос хойш тэрбээр ийм нэгэн бүсгүйтэй хамт явахыг харсан хүмүүс залуу амраг нь гэж мэдэмхийрч байлаа. Үнэхээр ч эхнэр, нөхөр аятай ихэд дотно явсанаас үзвэл тэд зүгээргүй бүр нэг гэрт ч орсон байх магадлалтай аж. Хүний амьдрал адал явдал, аз жаргалаар элбэг дүүрэн. Нэгэн биений тал болж явсан улс нэгнээ үзэхгүй байх нь ч бий. Тиймээс л амьдралд ам гарч болдоггүй гэдэг юм билээ. Хүн бүр адилгүй, зурсан зураг төөргөөрөө л явж байгаа биз. Энэ ч утгаараа хосоор амьдрах хорвоог ганцаар үдэж гунихыг хэн хүсэх билээ. Хайрлах, дурлах, хамт амьдрахад насны хязгаар гэж юу билээ. Тэгээд ч урлагийнханд хайр дурлал онгод авчирдаг гэсэн биз дээ.
Өнгөрсөн хугацаанд нийт 4000 гаруй авьяаслаг бүжигчин, бүжиг дэглээч, бүжгийн багш, найруулагч, судлаач, өв тээгч нартай хамтран ажиллаж ирсэн С.Сүхбаатар гуай “Хөдөлгөөнөөр л хүн амьдардаг юм байна, хөдөлгөөн багатай хүн илүү хөдөлж л байх хэрэгтэй гэдгийг өнөөдөр зүрх сэтгэлээсээ мэдэрч авсан даа” хэмээсэн нь бий. Хайр дурлалд нас хамаагүй дээ.
