“Босоо хөх Монгол” ТББ-ын залуустай нэгийгээ үзэж, нэхий дээлээ уралцаж яваа гишүүн Б.Дэлгэрсайхан Дорноговь аймгаас дахин нэр дэвших мандатаа өвөртлөө буй. Хятадуудтай холбоотой, Монголын төмөр замд хувийн эрх ашгийн тулган шаардлалт хийдэг, УИХ-ыг бизнесийн бохир зүйлд хутгалаа, офшор данстай, олон эхнэртэй гээд л түүний талаар шуугидаг. Харин энэ удаа тэрбээр манай гэрэл зурагт олон цүнх баригчтайгаа багтжээ. Даган баясагч, цүнх баригч, “долоогч” гэгдэх орчин цагийн хамгийн муухай дүр төрхүүд энд харагдах шиг. Хамгийн сонирхолтой нь гишүүн нэг л цувтайгаа манай дуранд 4 жилийн турш өртсөн байх юм. 2016 онд энэ л цагаан шаргал цувтайгаа явж байсан гишүүн 2020 оны хавар өнөөх л ганцыгаа өмсчээ. Магадгүй энэ цув нь хэдэн мянган долларын үнэтэй байх л даа. Дассан дан цув нь ч байхыг үгүйсгэхгүй.
