УИХ-ын чуулганы хуралдаан үргэлжилж байна. Яг одоо Ерөнхий сайд Л.Оюун-Эрдэнэ мэдээлэл хийж байна.
УИХ-ын дарга Г.Занданшатар:
-Гадаа маш хүйтэн байна. Энэ хүйтэнд шудрага ёс нэхэж, ард түмэн жагсаж байна. Ард түмэн үнэнийг нэхэж байна. Бодит ажил хэрэгтэй байна. Цаг хожсон, аргалсан хариулт өгмөөргүй байна. Шаардлагатай хуулиудад яаралтай өөрчлөлт оруулмаар байна. Ард түмний дундаас сонгогдсон юм тэднийхээ талд ормоор байна. Зарим нь Засгийн газрыг огцруулж, УИХ-ыг тараах хууль бус явуулга хүртэл тарааж байна шүү дээ. Түүнчлэн Үндэсний аюулгүй байдлын зөвлөмж, нээлттэй санал дүгнэлтийг танилцууллаа. Та бүхэн уншаарай, нээлттэй. Одоо танай, манай гээд хэрэлдээд байлгүй, шудрагаар зүтгэе. Үнийн хөөрөгдөл ард түмнийг туйлдуулж, үнэн шудрагаар амьдарч байгаа нэгний боломжийг хулгайлсаар ирсэн. Ард түмэн, улс орны эрх ашгийн төлөө зүтгэх бол бүх намд хамааралтай. Энэ бол ганц манай намын асуудал биш. Шудрага бусаар хөрөнгөжсөн нэгэнд хатуу хариуцлага хүлээлгэнэ. Тиймээс эрүүгийн тухай хуулийн нэмэлт өөрчлөлтийг хэлэлцэж, батлана. Иймд нээлттэй хэлэлцүүлэгт ард түмний төлөөллийг оруулна.