Өнгөрөгч тавдугаар сарын 21-ний орой БШУ-ны сайд Л.Энх-Амгалан халдлагад өртсөн. Түүн рүү 37 настай Д.Совд гэгч нь хутгатай халдсан.
Түүнийг Сүхбаатар дүүрэг дэх цагдаагийн нэгдүгээр хэлтсээс “Бусдын амь насанд халдахыг завдсан” гэх шалтгаанаар хойшлуулшгүй ажиллагаа явуулж, ШШГЕГ-ын харьяа хорих 461-р ангид түр саатуулсан билээ. Саатуулах хугацаанд Д.Совд: “Л.Энх-Амгалан сайдыг хөнөөх санаа байгаагүй, зөвхөн айлгахын тулд л хутга халаасалж явсан” хэмээх мэдүүлгийг өгсөн.
Харин Л.Энх-Амгалан сайд хэргийн тухай мэдүүлэхдээ:
“Д.Совд гэгч нь удаа дараа сүрдүүлж, амь насанд заналхийлж байсан буюу товчхондоо аюултай этгээд хэмээн мэдүүлжээ. Тиймээс ч түүнийг Эрүүгийн хуулийн Тусгай ангийн 10.1 дүгээр зүйл буюу “Хүнийг алах”-ын 2.9 дэх заалтад тусгаснаар “Хүнийг эрхэлж буй ажил, албан үүрэгтэй нь холбогдуулж алахыг завдсан” хэмээх заалтаар яллагдагчаар татжээ. Түүнийг үргэлжлүүлэн цагдан хорих, таслан сэргийлэх арга хэмжээ авахаар ажиллаж байгааг эх сурвалж мэдээлэв.