Монголын эр, эм гэлтгүй хамаг л баячууд “Анна” кашмераар үйлчлүүлдэг. Энэ жилийн “Гоёл” наадмын ноос ноолууран бүтээгдэхүүний салбараас “”Анна” кашмерийн дизайнер бүсгүй шилдэг нь болсон сайхан мэдээтэй билээ.
Гэр бүлийнхээ бизнесийг уламжлал болгон авч яваа Ариунжаргал хэмээх энэ бүсгүй ноолуурын салбарт хэдийнэ танигдаж, томчуудыг нь базсан гэхэд болно.
Олимпийн аваргуудаас эхлээд “Емарт”-ын эзэн Б.Баттүшиг гэхчилэн улс төр, бизнес, урлаг, спортын одууд бүгд л “Анна”-гийн кашмераар гоёдог. Аргагүй дээ, эдний ноолуур үнэхээр 100 хувийн чанар юм билээ. Үнэтэйгээс гадна тансаг, чамин, загварын үлэмж гайхамшигийг үзүүлсэн “Анна” хэдийнэ гадаад зах зээлд байр сууриа олж эхэлсэн. Дубайн баячуудаас болон орон орны гангачуул “Анна”-гийн бүтээгдэхүүнээр л гоёж байна. Эх орныхоо нэрийг чанар, өнгө үзэмжээр бодитой харуулдаг “Анна”-гийн эзэн Ариунжаргал нь өдгөө Шангриллагийн гэр буудалд сарын 5 сая төгрөгийн түрээс төлөөд амьдардаг. Ингээд бодохоор ихээхэн мөнгө ч олдог, үрж ч яаддаг бүсгүй бололтой шүү.
