Covid-19 цар тахал эрс нэмэгдэж, улс даяараа жил гаруй хөл хорионд хоригдож байна. Энэ хугацаанд иргэд, аж ахуйн нэгж байгууллагууд сайн дураараа болон үнэ төлбөртэй PCR шинжилгээ хийлгэж, ковидын халдвар авсан эсэхээ урьдчилан мэдсээр ирсэн.
PCR шинжилгээг хувийн хэвшлийн эмнэлгүүд оны өмнөхөөс эхлэн төлбөртэй авч эхэлсэн.
Тэгвэл “Мөнгөн гүүр” эмнэлэг 98 мянган төгрөгөөр авч буй шинжилгээний хариуг буруу гаргасан гэх мэдээлэл олон нийтийн сүлжээнд цацагдаад байна.
Тодруулбал, Тус эмнэлэгт тавдугаар сарын 3-нд PCR шинжилгээ өгсөн иргэний хариу маргааш нь эерэг гарч, гэр бүл, ойр дотнын хүмүүс нь сандарч эхэлжээ.
Ингээд маргааш нь гэр бүлээрээ “Итгэл” хувийн эмнэлэгт үзүүлэхэд шинжилгээний хариу сөрөг гарсан байна. 