Амьдрал Мэдээ Онцлох мэдээ

Нисгэгчгүй нисэх төхөөрөмжөөр цус тээвэрлэх анхны нислэг өнөөдөр болно

Нарлаг Улаанбаатар Ротари клубээс санаачлан Цус сэлбэлт судлалын үндэсний төвтэй хамтарч нисгэгчгүй нисэх төхөөрөмжөөр цус, цусан бүтээгдэхүүн тээвэрлэх “REDrone” (Red drone) төсөл хэрэгжүүлжээ. Цус тээвэрлэх анхны нислэг өнөөдөр болох юм.

Сүүлийн жилүүдэд Улаанбаатарт замын түгжрэл эрс нэмэгдэж, яаралтай үед хэрэглэх цус, цусан бүтээгдэхүүн тээвэрлэхэд хүндрэл үүсдэг. Мөн газар хөдлөлт, гамшиг осол, коронавируст цар тахал зэрэг нийгмийн эрүүл мэндийн онцгой нөхцөл байдлын үед эмнэлгүүдэд шаардлагатай бүтээгдэхүүнийг захиалга өгсөн эмнэлэгт богино хугацаанд хүргэж, олон хүний амь нас аврах шаардлага тулгардаг.

Иймд нисгэгчгүй нисэх төхөөрөмж ашиглах нь дээрх хүндрэлүүдийг давах, цус, цусан бүтээгдэхүүний захиалгын дагуу тээвэрлэх зардал, хугацааг хэмнэх, хүний нөөц, ажлын ачааллыг багасгах замаар эдийн засгийн үр ашгийг нэмэх ач холбогдолтой юм.

Уг төслийг Тамир Ротари клуб, Улаанбаатар Ротари клуб, JCI Capital байгууллагуудын дэмжлэгтэйгээр хамтран хэрэгжүүлж, нисгэгчгүй нисэх төхөөрөмжийг (дрон) “Карбон Композитс” компанийн монгол инженерүүд ур ухаанаа шингээж, мэргэжлийн өндөр түвшинд хийжээ.

Уг төхөөрөмжид суурилан цаашид эрүүл мэндийн байгууллагууд сорьц тээвэрлэх, бусад салбарт ч загвар болох боломжтой хэмээн төсөл санаачлагч нар үзэж байна.

Эх сурвалж: ЦССҮТ

Санал болгох

“Алтан Дорнод”-ын Т.Ганболдын ах Т.Ариунболд урлуулсан Хангарьд шувуугаа бусдад дээрэмдүүлжээ

uuganaa90

УИХ-ЫН ГИШҮҮН Т.БАДАМЖУНАЙ: ШҮҮХИЙН ШИЙДВЭР “БАДАМЖУНАЙ ИЙМ АСУУДАЛД ХОЛБОГДООГҮЙ” ГЭЖ ГАРНА

uuganaa90

1300 төгрөг хулгайлаад 10 жилийн ял сонссон П.Ариунцэцэг нэг жилийн дараа суллагджээ

uuganaa90

“Сайхан шинэлээрэй” үзэсгэлэн болж байна

uuganaa90

PEOPLE AWARDS АРГА ХЭМЖЭЭ АМЖИЛТТАЙ БОЛЛОО

uuganaa90

Цагийн сайханд хөтлөлцөөд гүйдэг байлаа

uuganaa90

Сэтгэгдэл бичих

error: Хуулбарлахыг хориглоно !!!