Н.Түвшинбаяр Э.Энхбат начиныг зодож, хүнд гэмтэл учруулснаар тэрбээр хэсэг хугацаанд хоригдож, батлан даалтаар суллагдсан. Олимпын аваргаас гарамгүй ёс зүйн доголдол гэж үзэн, МҮОХ-ны Ерөнхийлөгчийн ажлаа өгөх ёстой хэмээн олон нийт үзэж байв.
Харин Ерөнхий сайд Л.Оюун-Эрдэнэ түүнийг ажлаа үргэлжүүлэн хийсэн нь зүйтэй гэж мэдэгдээд байсан.
Тэгвэл МҮОХ-ны Ерөнхийлөгч Н.Түвшинбаяр ажлаа өгнө гэж ярьсан талаар тус холбооны дэд ерөнхийлөгч Ч.Наранбаатар хэвлэлд өгсөн ярилцлагадаа дурдсан байна.
Ч.Наранбаатарын хувьд одоогоор Н.Түвшинбаярын үүргийг гүйцэтгэж, олимпийн хороог толгойлж байгаа. Харин олимпийн хорооны зүгээс Н.Түвшинбаярын хэргийг шүүхээр эцэслэгдэн шийдэгдэх хүртэл ямар нэгэн албан ёсны мэдэгдэл хийхгүй гэсэн байр суурьтай байгаа аж.