Амьдрал Мэдээ Онцлох мэдээ

Орон нутгийн 900 орчим ногоочин агротехнологийн сургалтад хамрагджээ

Азийн хөгжлийн банкны санхүүжилтээр Хүнс, хөдөө аж ахуй, хөнгөн үйлдвэрийн яамнаас хэрэгжүүлж байгаа “Хоршоолсон хэлбэрээр ногооны аж ахуй эрхлэх замаар өрхийн амьжиргааг сайжруулах” МОН 9192 төсөлд Төв аймгийн Борнуур, Сэлэнгэ аймгийн Ерөө, Дархан-Уул аймгийн Орхон, Увс аймгийн Улаангом сумын 300 гаруй ногоочид хамрагдан төслийн үр шимийг хүртсээр байна.

2021 онд короновирусын нөхцөл байдлын улмаас төсөл хэрэгжүүлэх нэгж болон зөвлөх багаас ногоочдод орон нутагт нь очиж газар тариалангийн мэдлэг олгох, чадваржуулах сургалтаа зохион байгуулах боломжгүй болсон тул дөрөвдүгээр сард агротехнологийн таван сургалтыг цахим хэлбэрээр амжилттай зохион байгуулжээ.

Сургалтаар,

  • “Хамгаалалттай хөрсний ногооны аж ахуйн үйлдвэрлэлийн агротехнологи” сэдвээр ХААУ-ын доктор, сургагч багш Я.Оюунчимэг,
  • “Бордооны хэрэглээ үйлдвэрлэл” сэдвээр ХААИС-ийн багш доктор, дэд профессор Б.Амарсанаа,
  • “Хүнсний ногооны үйлдвэрлэлийн ургамал хамгааллын менежмент” сэдвээр ХААИС-ийн багш Д.Банзрагч,
  • “Хүнсний ногооны үр үржүүлгийн технологи” сэдвээр Дархан-Уул аймгийн Ургамал, газар тариалангийн хүрээлэнгийн доктор Ж. Байгалмаа,
  • “Усалгааны арга технологи, менежмент” сэдвээр доктор, зөвлөх Д.Чандмань нар орчин үеийн дэвшилтэт технологийг орон нутгийн хөрсөнд нэвтрүүлэх агротехнологийн аргаас заасан байна.

Сургалтад дөрвөн сумын 885 ногоочин хамрагдсанаас 557 нь эмэгтэй хүмүүс байжээ. Сургалтын үеэр ногоочид өөрсдийн өмнө тулгарч байгаа хүндрэл бэрхшээлээ багш нартаа хуваалцан тохирох шийдлүүдийг олж авч байв.

Үрслэгийн сургалт зохион байгууллаа

Мөн “Монгол ногоо” төслийн хүрээнд Хэнтий, Ховд, Төв аймгийн Зуунмод, Сэргэлэн сум, Чингэлтэй дүүргийн 60 орчим иргэдэд үрслэгийн сургалтыг цахимаар зохион байгуулжээ. Иргэд ийнхүү сургалтад хамрагдсанаар хүнсний ногооны нэр төрөл, үр сортоо сонгох, хүлэмж болон ил талбайн чанартай үрслэг хийх мэдлэг чадвараа сайжруулж, хашаандаа ногоо тарих талбай, ногооны хэмжээ, нэр төрөл, хүнсний хэрэглээгээ нэмэгдүүлж, өрхийн амьжиргаа сайжруулах зэрэг чухал үр дүнтэй аж.

 

Эх сурвалж: ХХААХҮЯ

Санал болгох

Санал авахаар дэлгүүрийн өрийг тэглэж, оронд нь иргэдийн регистрийн дугаарыг авч байна

uuganaa90

Сонгуулийн сурталчилгааны нэгдсэн самбарыг хийхдээ зөвхөн нэг дүүрэгт улсын төсвийн 845 сая төгрөгийг зарцуулжээ

uuganaa90

ХӨЛ ДҮҮЖЛЭХ УНААГҮЙ, ХОЁР ӨРӨӨ БАЙРТАЙ БАЙСАН Г.ДАМДИННЯМ ӨНГӨРСӨН ДӨРВӨН ЖИЛ ТЭРБУМЫН ХАУСТАЙ, 300 САЯЫН ЖИЙПТЭЙ БОЛЖ ХӨЛЖЖЭЭ

uuganaa90

Г.Сайханбаярын ухуулагч хүн алсан бол Ч.Хүрэлбаатарын штабынхан бусдын эд зүйлийг булаажээ

uuganaa90

“Хөгжлийн тав”-аас авилгатай нэр холбогдож байсан нь Н.Хүрэлбаатар

uuganaa90

ХОМ: МАН-ын жагсаалтаар тодорсон “шарк” Ч.Анар 1,6 тэрбум төгрөгийн үнэтэй тээврийн хэрэгсэлтэй

uuganaa90

Сэтгэгдэл бичих

error: Хуулбарлахыг хориглоно !!!