Ганц бие аав, загвар өмсөгч О.Билгүүн хувийн амьдралдаа апдэйт хийж өөртэйгээ мэргэжил нэгт Алунгоо гэх бүсгүйтэй учир ургуулснаа цахим хуудсаараа дамжуулан найзууддаа дуулгасан. Нэг хэсэг Гангнам дүүрэгт эгчмэд бүсгүйтэй амьдардаг хэмээн хэвлэлүүдээр бичигдэж явсан тэрбээр өдгөө хувийн бизнесээ өргөжүүлж, олон гайхалтай ажлуудыг эх орондоо хэрэгжүүлээд байгаа билээ. Түүнийг чадварлаг загвар өмсөгч, бизнесменээс гадна урлагт чамгүй авьяастай гэдгийг уншигчид мэднэ. О.Билгүүнийг “Яг түүн шиг” шоунд оролцсоноос хойш түүнд чамгүй олон киноны санал ирж, жүжигчин статусаа ч алдалгүй барьсаар яваа. Сүүлд гэхэд “Бүтэн амьдрал” кинонд халамжит залуугийн дүр бүтээж, үзэгчдээс бас л онц үнэлгээ аваад амжсан. Бүхий л зүйлд эв дүйтэй О.Билгүүнийг “Сайн аав” гэдгийг харин тэр бүр хүмүүс мэддэггүй.
