-П.Анужингийн Агуулан хүү дүүтэй болох нь –
Уртаашаа ганц дуугаар од болдог дуучин, ганц дүрээр төрийн том шагнал хүртдэг жүжигчин байдаг. Тэгвэл ганц нэвтрүүлэг хөтөлсөөр салбарын бус ч олны хүндлэл хүлээсэн эрүүл зөв хооллолтын багш П.Анужин нэг үе мандаж байв. “Монгол тулгатны 100 эрхэм” нэвтрүүлгээр стиль имижээ бүрдүүлж, ёстой тэнгэрт мандах нар, сар лугаа алдаршсан явсан цаг саяхан. Сайн муу, сайхан муухай бүхэн үргэлж хамт оршдог хойно нэг л өдөр нэвтрүүлгийнхээ найруулагч Херо Б.Баатартай нэр холбогдож, сошиалаар балбуулж явсан П.Анужингийн нэр Э.Нандинзүрх гэх “Mint” баарны эзэн залуутай нэр холбогдсоноор сая намжиж байлаа. Үүнтэй зэрэгцэж 2016 оны УИХ-ын сонгууль ч болж П.Анужин МАН-аас нэр дэвшсэн ч өвдөг шороодчихов. Харин энэ л үед нэвсгэр дээл, палатье-аар гоёж явсан хатагтайн нууц задарч бие давхар байсан нь ил болж байв. Яг түүн шиг П.Анужин хатагтай имиджээ гээлгүйгээр үндэсний хэв загварыг хадгалсан дээл хувцсаар гоён үйл ажиллагаа хөтлөх болсон нь анзаарагдав. Албан бус эх сурвалжаас түүнийг Э.Нандинзүрхийн хоёр дахь хүүхдийг тээж буй гэлцэх нь ч байна. Хэрэв үнэн бол П.Анужинт одонгийн хүүхдээ энгэртээ тэвэрч, алдарт эх болоход хэдхэн сар үлджээ.
