Амьдрал Мэдээ

“П.Оюунчимэгийн хүү 4 өрөө байрны мөнгөө төлөхгүй, хөөн хэлэлцэх хугацааг дуусгах гэж байна”

Өчигдөр ХЭҮК-ийн гишүүн П.Оюунчимэгтэй холбоотой бичлэг хэвлэл мэдээллийн хэрэгслээр тархсан. Тэгвэл өнөөдөр ХЭҮК-ийн гишүүн П.Оюунчимэгийн хүүд байр зарсан ч мөнгөө авч чадаагүй байгаа компанийн төлөөлөл мэдээлэл хийлээ.

Тодруубал, “ХЭҮК-ын гишүүн П.Оюунчимэгийн хүү Б.Жавхлантөгс худалдах худалдан авах гэрээгээр шинэ байрандаа орсон ч өнөөдрийг хүртэл орон сууцны нийт үнэ болох 298.200.000 төгрөгөөс нэг ч төгрөг төлөөгүй байгаа аж.

Энэ тухай MSPD компанийн өмгөөлөгч Т.Бат-Эрдэнэ, “Сүүлийн үед ХЭҮК-ийн гишүүн П.Оюунчимэгийн хууль бус үйлдлийн талаарх мэдээллүүд хэвлэл мэдээллээр цацагдлаа. Бид мөн энэ хүний хууль бус үйлдлийн улмаас хохироод байгаа компанийн төлөөлөл болж мэдээлэл хийж байгаа юм. П.Оюунчимэгийн хүү Б.Жавхлантөгс 2014 оны  есдүгээр сарын 23-нд MSPD компанитай зээлээр худалдах, худалдан авах гэрээ байгуулж Хан-Уул дүүргийн 11-р хороонд “Номун Виллаж” хотхоны 106.5 мкв дөрвөн өрөө орон сууцыг худалдан авахаар болсон. Гэрээ байгуулан ямар ч төлбөр төлөлгүйгээр, шууд шинэ байрандаа нүүж орсон байдаг. Байрны үнэ болох 298.200.000 төгрөг, автомашины дулаан зогсоолын үнэ болох 28 сая төгрөгөө одоо болтол өгөөгүй байна. Тиймээс компаниас 2018 оны 01 дүгээр сард байр чөлөөлж өгөхийг удаа дараа шаардаж, цагдаагийн байгууллагад хандсан. Хан-Уул дүүргийн цагдаад Эрүүгийн хэрэг үүсгэгдэн шалгагдаж байна. Өнөөдөр бараг хөөн хэлэлцэх хугацаа дуусч байх шиг байна. Гэвч П.Оюунчимэг хуулийн байгууллагад нөлөөлж, хэргийг удаашруулдаг. Иймд П.Оюунчимэгтэй холбоотой ноцтой мэдээлэл өчигдөр цацагдаж эхэлсэн учраас бид ч гэсэн энэ хүнтэй холбоотой мэдээллийг цацах нь зүйтэй гэж үзсэн. тул мэдээлэл хийж байна” гэлээ.

MSPD компанийн Борлуулалтын албаны дарга Баатарсүх, “2014 онд орон сууцны борлуулалт маш муу байсан учраас манай компани шинээр баригдсан орон сууцаа хоёр жилийн хугацаатай хүүгүй зээлээр борлуулж байсан. Энэ үед ХЭҮК-ын гишүүн П.Оюунчимэг гэдэг хүн ирээд манай хүү байр авах гэж байна. Гэхдээ яг өнөөдөр бидэнд мөнгө алга байна. Энэ оны 12 дугаар сардаа багтаад бид 50 сая төгрөг өгнө. Үлдэгдэл мөнгийг цувуулан хоёр жилийн хугацанд өгнө. Хэрвээ төлж амжихгүй бол танайхтай хувь лизинг маягийн юм хийгээд хоорондоо тохироод явъя гэсэн. Төрийн өндөр албан тушаалтан хүн тэгж хэлсэн учраас бид итгээд хүүтэй нь гэрээ байгуулж, 106.5 мкв талбайтай байранд оруулсан” гэв.

Санал болгох

Найз охиноо хэвтэрт ортол зодож байсан “МТ” группийн эзний отгон хүү Г.Содбаярын ах Г.Дашням нэр дэвшинэ

uuganaa90

Топ модель С.Ариунбилэгийн экс, “Хөх чоно” группийн өв залгамжлагч П.Мөнхтулга нэр дэвшиж байна

uuganaa90

С.Цэнгүүний компани төрөөс тендер авч, “ковид-19”-ийн вакцины сурталчилгааг 20 саяар хийж байжээ

uuganaa90

Булган аймгийн булчинтай Засаг

uuganaa90

С.Амарсайханы ах С.Отгонбаяр Туул голын эргийн 14 мянган бургас хядан тансаг харшууд барьж байна

uuganaa90

Б.Цэцэгийн хайр

uuganaa90

Сэтгэгдэл бичих

error: Хуулбарлахыг хориглоно !!!