УИХ-ын гишүүн, Засгийн Газрын гишүүн, Улаанбаатар хотын автозамын түгжрэлийн асуудал хариуцсан сайд Ж.Сүхбаатар гэргийнхээ хамт манай зурганд багтжээ. Гэргий нь тээр ард нь яваа даруухан эмэгтэй. Тэд Мөсөн хотхонд саатан тухалж, ОХУ-аас ирсэн уран гулгагчдын тоглолт үзэхээр ирсэн нь энэ. Гэхдээ жаахан хоцорсон. Мэдээж үүнд түгжрэл буруутай. Түгжрэлийн сайд байтугай Монгол Улс даяара энэ асуудлыг шийдэх ухаан хүрэхгүй байгаа учраас сайд байсан ч түгжрээд явахаас өөр яах билээ. Хамгийн хүнд бөгөөд хэл амтай асуудал хариуцсан сайд болсон юм болохоор муу л юм болвол хойд бор овоохой гэгчээр Түгжрэлийн сайдыг түгжиж аваад хэдэн талаас нь хэмлэдгээ одоо болих хэрэгтэй. Тэртэй тэргүй манай энэ асуудлыг бид байтугай бурхан ч учрыг нь олохоосоо өнгөрсөн. Яах вэ, цаг хугацааны дараа асуудал бага багаар ангижрах л байх.
