Амьдрал Мэдээ Папараци Улс төр Фото мэдээ

Улсын хэмжээнд нийт арван аймгийн төвд дулааны станц барих төслийн нээлт Баянхонгор аймагт боллоо

Улсын хэмжээнд нийт арван аймгийн төвд дулааны станц барих төслийн нээлт Баянхонгор аймагт боллоо. Монгол Улсын Засгийн газрын хөрөнгө оруулалт, БНСУ-ын хөнгөлөлттэй зээлээр 35 сарын хугацаанд хэрэгжих уг төсөл нь найдвартай дулааны эх үүсвэр бий болгож, иргэдийг жилийн турш хэрэгцээний халуун усаар тасралтгүй хангах, агаарын бохирдлыг бууруулах үндсэн зорилготой.

Төсөл хэрэгжсэнээр одоо байгаа 299 зуухыг буулгаж, агаар бохирдуулагч утааг шүүх өндөр чанарын технологи бүхий орчин үеийн 10 шинэ дулааны станц, дулаан дамжуулах 88 төвийг шинээр барих юм. Сүүлийн жилүүдэд Баянхонгор аймгийн тулгамдсан асуудлуудын нэг нь агаарын бохирдол болсон. Дээрх төслийн хүрээнд аймгийн төвд 30 Гкал/цаг хүчин чадалтай, автомат систем бүхий эх үүсвэр, 5.8 км урт дулаан дамжуулах шугамыг 26 сарын хугацаанд барих юм байна. Баянхонгор аймгийн төвд дулааны станц баригдсанаар 247 аж ахуйн нэгж, 238 нийтийн орон сууцыг найдвартай дулаан, хэрэгцээт халуун усаар тогтмол хангах боломж бүрдэнэ хэмээн албаныхан онцолж байлаа.

Байгаль орчинд сөрөг нөлөөгүй, бүрэн автомат удирдлагатай, дэвшилтэт технологи бүхий дулааны станцтай болсноор нүүрсний хэрэглээ даруй 30 хувиар буурна гэж тооцжээ. Мөн орон нутагт ажлын байрыг нэмэгдүүлж, жижиг дунд үйлдвэрлэл хөгжих, бүтээн байгуулалтыг дэмжих таатай нөхцөл бүрдэнэ гэж байлаа. Төслийн гүйцэтгэгч БНСУ-ын “Бюксан инженеринг” ХХК-ийн удирдлагуудын зүгээс төлөвлөгөөт хугацаандаа чанартай гүйцэтгэлийг урьтал болгон ажиллана гэдгээ илэрхийлж байв. Дулааны станцын шав тавих ёслолд УИХ-ын дарга, Эрчим хүчний дэд сайд, аймгийн удирдлагууд болон иргэдийн төлөөлөл оролцлоо.

Санал болгох

“Алтан Дорнод”-ын Т.Ганболдын ах Т.Ариунболд урлуулсан Хангарьд шувуугаа бусдад дээрэмдүүлжээ

uuganaa90

УИХ-ЫН ГИШҮҮН Т.БАДАМЖУНАЙ: ШҮҮХИЙН ШИЙДВЭР “БАДАМЖУНАЙ ИЙМ АСУУДАЛД ХОЛБОГДООГҮЙ” ГЭЖ ГАРНА

uuganaa90

1300 төгрөг хулгайлаад 10 жилийн ял сонссон П.Ариунцэцэг нэг жилийн дараа суллагджээ

uuganaa90

“Сайхан шинэлээрэй” үзэсгэлэн болж байна

uuganaa90

PEOPLE AWARDS АРГА ХЭМЖЭЭ АМЖИЛТТАЙ БОЛЛОО

uuganaa90

Цагийн сайханд хөтлөлцөөд гүйдэг байлаа

uuganaa90

Сэтгэгдэл бичих

error: Хуулбарлахыг хориглоно !!!