Засгийн газрын хуралдааны дараа хотын дарга Д.Сумъяабазар мэдээлэл өглөө.
Тэрбээр “Ерөнхий сайдын өгсөн үүрэг чиглэлийн дагуу Агаар орчны бохирдол хариуцсан орлогч, Агаарын бохирдолтой тэмцэх газрын дарга нарыг ажлаас чөлөөлсөн. Улс төрийн мэдрэмжтэй, нийгмээ сонсдог, нийгмийн зүгээс тавьж буй шахалт шаардлагуудыг хүлээж авах шаардлагатай хүнийг оронд нь томилно.
Хэн нэгэнд буруу өгөхөөс илүү Улаанбаатарын иргэдийн хүсэн хүлээж байгаа утааны асуудлыг шийдэх. Асуудлын шалтгаан юунаас болов гэдэг чухал. Зарим нь зууханд буруу өгч байгаа бол зарим нь түлшний чанар стандарт ярьж байна.
2021 оны түлштэй харьцуулахад энэ жилийнх шаталт удаан байна гэж иргэд мэдээлж байгаа. Хариуцаж байгаа хүмүүсээрээ шалгуулсан. Зөрүүгүй байна билээ. Тиймээс технологийн шийдлийн асуудлыг шийдүүлэхээр үүрэг даалгавар өгсөн.
Тэрний буруу гэхээс илүү шалтгааныг олоод түүний засах ёстой. Утаа бүх нийтийн асуудал. Шүүмжлэлийг хүлээж авч, шалтгааныг олох ёстой.
Ард иргэдийн хэлж байгааг бодож, үг хэлээ цэгнэх ёстой гэж бодож байна. Д.Ихбаярыг ярилцлага өгснөөс болоогүй, утааны асуудлаас болж ажлаас чөлөөлсөн. МАН хариуцлага тооцож чаддаг улс төрийн хүчин. Ерөнхий сайд хатуу байр суурьтай байгаа” гэв.