Америк нөхрөөсөө хэдэн жилийн өмнө салсан Дээгий Монгол залуутай дэр нэгтгэлээ, тэр нь эмч гэнэ ээ гэдэг л яриа сонсогдож байлаа. “Гарьд манлай” эмнэлгийн эмч гэж сонсогдож байсан залуу нь энэ бололтой. Тэд өнгөрсөн хавар их л дотнохон, янаг халуухан явж байгаад бидэнтэй таарсан юм. Дээгий маань өгзөг, нуруунд нь байнга гараа хийгээстэй, их л янаг бүсгүй байна лээ шүү.
Гүндүүгүй сайхан эр гэдэг шиг хаа очиж үргэлж өөрийнхөөрөө байдаг бүсгүй бол хийлч Дээгий. Монгол эрчүүдийн түрийвчний хэмжээ надад гологдоно гэж хээвнэг бодож санаснаа илэрхийлдэг эрс шулуухан бүсгүй. Тиймдээ ч монгол эртэй нэр холбогдсон түүх түүнд байгаагүй биз. Хийлч бүсгүйн анхны нөхөр нь өөрөөс нь 30 ах гэж тухайн үедээ л хэл амны бай болж байсан Саха Миянатан гэх энэтхэг эр. Хосууд дундаасаа нэг хүүтэй ч эцэст нь хоёр тийш болсон.
Дээгийгийн дараагийн сонголт нь “Лейтон” уул уурхайн компанийн гүйцэтгэх захирал Марк Бейли гэх америк эр. Уул уурхайн салбарт 30 гаруй жил ажилласан арвин туршлагатай, хүмүүнлэг үйлс, олон нийтийн дорвитой үйл ажиллагаа явуулдаг гэдгээрээ олонд танигдсан Марк Бэйли сүйт бүсгүйдээ нижгэр сайхан хуримаар бэлэг барьж байсан ч хийлч бүсгүй нөхөртөө гол бэлгээ өгөөгүй. Ийнхүү Монгол эрчүүдийг нэг нүдээрээ ч үздэггүй байсан тэрбээр эцэст нь Монгол залуутайгаа л дэр нэгтгэлээ дээ.
