Өчигдөр буюу энэ сарын 3-ны өдөр Ховд аймгийн Буянт сумын Өгөөмөр багийн нутагт шинээр баригдаж буй цементийн үйлдвэрийн барилгын тулгуур багана, таазны хэсэг нурсан байна. 21 цагийн орчимд ОБГ-ын аврах багийнхан очиход 22-51 насны таван эрэгтэй дарагдаж, бэртсэн байсныг эсэн мэнд гаргажээ.
Гэмтсэн дөрвөн иргэний биеийн байдал хэвийн байгаа бол нэг хүний бие байдал хүндэвтэр Ховд аймгийн нэгдсэн эмнэлгийн эрчимт эмчилгээний тасагт эмчилгээ хийлгэж байгаа гэж тус аймгийн ОБГ-аас мэдээллээ.