Сэлэнгэ аймгийн Баянгол сумын Баян багийн “Чойжингийн-Ар” гэдэг газар хээрийн түймэр гарчээ. Түймрийн дуудлагыг өчигдөр 15.01 Цагт онцгой байдлын байгууллагад ирүүлсэн байна.
Улмаар тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид 20 км зам туулан 16.00 цагт очиход орон нутгийн иргэд ажиллаж түймрийг унтраажээ. Хээрийн түймэрт 4.5 га талбай шатсан байна.
Ихэнх нутгаар салхи шуурга ихтэй байгаа тул болзошгүй түймрийн аюулаас сэрэмжтэй байхыг онцгой байдлын байгууллагаас анхааруулав.