Чингэлтэй дүүргийн 11-р хорооны нутаг дэвсгэрт үйл ажиллагаа явуулдаг “Хүчит шонхор” ХХК-ийн “Шонхор” худалдааны төв 2019 оны 6 сараас Худалдаа үйлчилгээг зохицуулах зөвлөлтэй үйлчилгээ эрхлэх гэрээ байгуулан ажиллаж байжээ. Тус гэрээ 2020 оны 6 сард дуусгавар болсон байна. Үүнээс хойш “Хүчит шонхор” ХХК тус дүүргийн нутаг дэвсгэрт үйл ажиллагаа эрхлэх зөвшөөрөл аваагүй байна. Гэвч өдийг болтол ямар ч хяналтгүй үйл ажиллагаа эрхэлсэн хэвээр байгаа юм.
Сүүлд тус компани давамгай байдлаа хууль бусаар ашиглаж, ноёлох үйл ажиллагаа явуулсан хэмээн 29 сая төгрөгөөр торгуулж байсан билээ.
