Эрүүл мэндийн яамнаас өгсөн коронавирусний халдварын нөхцөл байдлын өнөөдрийн (2021.05.18) ээлжит мэдээллийн үеэр ковидын эсрэг вакцинжуулалтын талаар дараах мэдээллийг өглөө.
МОНГОЛ УЛСЫН ДАРХЛААЖУУЛАЛТЫН ТАЛААРХ МЭДЭЭЛЭЛ
(2021.05.17, 19:00 цагийн байдлаар)
Улсын хэмжээнд 18-аас дээш насны 2 сая 67 мянган иргэнийг бүрэн вакцинд хамруулах зорилтыг Засгийн газар тавин, Эрүүл мэндийн яам хэрэгжүүлэн ажиллаж байна. Сүүлийн 24 цагт Улаанбаатар хот болон хөдөө орон нутагт 22.198 хүн дархлаажуулалтад хамрагдсан байна.
Улсын хэмжээнд 1-р тунд 1.802.170 (86%) хүн хамрагдсан бол 2-р тунд 666.287 (31% )хүн хамрагдлаа.
ЭМЯ-аас 18-44 насныхан вакцинд идэвх муутай хамрагдаж байгааг өдөр бүр сануулж, вакциндаа идэвхтэй хамрагдахыг уриалж байна. Тухайлбал 18-19 насны нийт 86396 хүн дархлаажуулах ёстойгоос 69.855 (80.9%) нь 1-р тундаа хамрагдсан бол, хоёрдугаар тунд 12.126 нь хамрагджээ.
Улаанбаатар хотод
1-р тунд – 926.677 хүн
2-р тунд – 509.465 хүн
Орон нутагт нийтдээ 1.1 сая хүн вакцинд хамрагдах ёстой. Үүнээс,
1-р тунд -875.593 хүн
2-р тунд – 156.822 хүн