УИХ дахь АН-ын бүлгийн гишүүд долоо хоног өлссөний эцэст өлсгөлөнгөө зогсоосон. Ингэхдээ УИХ-ын даргын захирамжаар ажлын хэсэг байгуулан улс төрийн зөвшилцөл хийж, зарим хууль тогтоомжид хяналт тавин ажиллахаар болсон хэмээн мэдэгдсэн.
Тэгвэл эл ажлын хэсэг өнөөдөр хуралдах аж.
АН-ын бүлгийн зүгээс УБЕГ, Улсын дээд шүүхийн Тамгын газрын үйл ажиллагаа хянуулах шаардлага тавьсан. Түүнчлэн АТГ-аас Эрүүгийн хууль, Ерөнхийлөгчийн сонгуулийн хууль, Улс төрийн намын тухай хуулийг хэрхэн биелүүлж байгааг шалгуулах шаардлага тавьжээ.
Шинэчилсэн хуулиар АТГ-ын удирдлагыг Ерөнхий сайд томилдог болсон. Тиймээс Засгийн газрын харьяа байгууллагуудын эрх бүхий албан тушаалтнууд хуулийн дагуу ажиллаж байгаа эсэхэд хяналт тавих ёстой гэх шаардлааг тавьж өлсгөлөнгөө зогсоожээ.