Шадар сайд асан Ө.Энхтүвшингийн бэр, БХБ-ын дэд сайд Э.Золбоогийн гэргий Б.Мандхай “Nolur” брэндийн нүүр царайгаар дахин тодорлоо. Б.Мандхайгийн хувьд хавар зуны аль ч улирал өмсөхөд тохиромжтой зөөлхөн, дулаахан хувцас үйлдвэрлэгч “Nolur” брэндийг өмнө нь сурталчилж байсан туршлагатай. Тэгвэл энэ жилийн шинэ коллекцид хамтарч, тус брэндийн нүүр царай байх эрхэм үүргийг дахин хүлээжээ.
Хүмүүнлэгийн үйлсэд зорилго нэгдсэн дөрвөн найз бизнесийн хамтрагч болж, “Nolur”-ыг бүтээсэн нь өдгөө хэдийнэ хэрэглэгчдийн таашаалд нийцсэн брэнд болж чадсан. Үүгээр ч зогсохгүй “Nolur” дэлхийд өрсөлдөх гараагаа хэдийнэ тавьж, гадаадаас маш их захиалга хүлээн авдаг болсон юм билээ. Ноолууран бүтээгдэхүүний экспортод өөрсдийн гэсэн томоохон орон зайгаа эзлэх нь цаг хугацааны л асуудал. Эдний хэрэглэгчид биед эвтэйхэн, суулт сайтай, чанар эдэлгээ гээд брэндээс авах тааламжит мэдрэмжийг цогцоор нь авч чаддаг хэмээн магтацгаадаг. Арга ч үгүй биз, цэвэрлэгээ арчилгаагаа хүртэл өөрсдөө хариуцаж, ёстой л хэрэглэгчдийн таашаалд бүрэн нийцэхээр брэнд хөгжүүлж чадсан учраас энэ зэргийн магтаал байх нь дамжиггүй юм.
