“Улаанбаатар Сонгдо” эмнэлгийн Ерөнхий захирал Б.Болдсайхан өчигдрийн /2021.04.30/ “Мэдээллийн урсгал” хөтөлбөрөөр оролцох үеэрээ хятад вакцин дархлаа хамгийн сайн тогтоож байгааг онцоллоо.
Тодруулбал “Монголчууд covid-19-ийн тахлаас хурдан салж, өвдөхгүй, үхэхгүй болох хэвийн ажил, амьдралдаа ормоор байгаа бол бүгд вакцин хийлгэх ёстойг” онцолсон бол мөн тэрээр Хятад улс Вероселл вакциныг сахар, харшил, суурь өвчинтэй хүмүүст тохирох хамгийн өргөн заалттай вакцин.
Эмчийн онолын болон туршлагын мэдлэгээр хамгийн хүндрэл, реакц багатай дархлаа сайн тогтоож байгаа нь Хятадын Вероселл юм. “Сонгдо” эмнэлэг дээр хятад вакцин болон АстраЗенека вакцин хийлгэсэн хүмүүст эсрэг биеийн сорил хийхэд Хятад вакцин хамгийн сайн, өндөр гарч байна.
Хоёрдугаарт, хятад вакцины хоёр дахь тунгаа хийлгэсэн хүмүүс сайн гарч байна.
Гуравдугаарт, өвдөөд эдгэсэн хүмүүсийнх мөн сайн гарч байна” гэсэн юм.