Анх 2015 оноос эхлэлтэй Хүрээ цам-Даншиг наадамд дөрвөн удаа дарааллан түрүүлсэн бахдам амжилтыг Монгол Улсын арслан Ренценбямбын Пүрэвдагва эзэмшдэг. Тэрбээр 2015-2018 онд завсаргүй дөрвөн удаа түрүүлсэн билээ. Тэгвэл энэ жилийн Даншиг наадмаар түүний Дархан аварга цолыг олгосон юм.
Өнөө жил улбар шаргал өнгийн торгон дээлээр гангарч ирсэн Даншигийн Дархан аварга маань хоёр өдөр Хүйн Мандлын зүлэг ногоон дэвжээнд морилж, бөхийн барилдааныг шимтэн үзэж суусан юм.
