Нийслэлийн мэргэжлийн хяналтын газрын дараг Л.Эрдэнэчулууныг АТГ-аас шалгаж эхэлсэн гэх мэдээлэл гараад буй. Тэрбээр энэ асуудлын талаар дараах тайлбарыг өгчээ.
“Өнөөдөр өглөөнөөс эхлэн энэ талаар сайтуудад мэдээлэл гарсан байна. Миний хувьд НМХГ-т 13 дахь жилдээ ажиллаж байна. Ингэж мэдээлэл тарааж байгаа нь хэсэг бүлэг хүмүүсийн зохион байгуулалтаар хийж байгаа гүтгэлэг гэж харж байна. Өнөөдөр би АТГ-т огт шалгагдаагүй. НМХГ өөрөө компаниудад зөвшөөрөл өгдөг газар биш, хяналт шалгалт хийдэг газар юм. Гэтэл мэдээнд дотор олны нийтийг төөрөгдүүлсэн агуулгатай намайг зөвшөөрөл олгосон мэтээр бичиж байна. Тухайлбал, манай дэд бүтцийн газраас ажлын байран дээрээ архидан согтуурсан гурван байцаагчийг ажлаас нь халагдсан. 10 гаруй байцаагч ААН-дээс дарамт шахалт үзүүлж авилга нэхсэн гэх асуудлаар АТГ-т шалгагдаж байгаа нь харамсалтай байна. Харин энэ нөхдүүд намайг ингэж гүтгэж мэдээлэл гаргах муухай харагдаж байна. Би энэ асуудлыг эхний ээлжинд Цагдаагийн байгууллагад өгч шалгуулж байгаа. Мөн АТГ-т хандаж нэр төрөө сэргээлгэнэ” гэсэн байна.