“Монгол цэргийн өдөр”, орчин цагийн Зэвсэгт хүчин үүсэн байгуулагдсаны 100 жилийн ой өнөөдөр тохиож байна.
Монгол эрчүүдийн баярын “ганц өдөр” гуравдугаар сарын 18-нд бүсгүйчүүд эрчүүддээ баярын мэндчилгээгээ сошиалаар дэвшүүлж байгаа юм.
Эрчүүддээ баярын мэндчилгээ дэвшүүлсэн бүсгүйчүүдээс жүжигчин Б.Навчаагийн мэндчилгээ олны анхаарал татав. Тэрбээр Хууль зүйн сайд Х.Нямбаатараас бусад эрчүүдэд баярын мэнд дэвшүүлжээ.
Жүжигчин Б.Навчааг Хууль зүй дотоод хэргийн сайд Х.Нямбаатар 2020 оны УИХ-ын сонгуулийн үеэр түүний эсрэг хар пиар хийсэн хэрэгт буруутгаж хуулийн байгуулагаар шалгуулж, олны дургүйцлийг ихээхэн хүргэсэн. Б.Навчааг шүүхээр гэм буруугүйг нь тогтоосон боловч, сэтгэлд үлдсэн шарх нь эдгээгүй байгаа бололтой.