“Никитон”-ы Б.Батчулуунтай 20-хон насандаа хамтын амьдрал эхлүүлж, хөөрхөн хүү, охины ээж болсон Г.Энхтуяа ганц бие болоод удаж байна. Олон жилийн өмнө Б.Батчулуунаас албан ёсоор гэрлэлтээ цуцлуулсан тэрбээр загварын тайзнаа өдгөө ч гоо үзэсгэлэнгээ гайхуулан гунхаж буй. Сайхны өмнө харц буруугүй гэгчээр тайзнаа гэрэлтсээр ирсэн түүнээс нүд салгаж чадахгүй эрчүүд олон. Харин Г.Энхтуяа олон жил ганцаар явсны эцэст ийм нэгэн рок залуутай хайр дурлал, хамтын амьдрал эхлүүлжээ. Түүний шинэхэн амраг залуу нь бүтэн оройн турш хайртай бүсгүйгээ тайзны дэргэдээс бишрэн харж, нүдээ ч салгахгүй суусан юм. Эмэгтэй хүнийг халамжлаад, хайрлаад байвал сармагчин байсан ч дурлана гэдэг дээ. Цагтаа Монголын рок попын тайзыг эзэгнэж явсан эрийн эхнэр явсан Г.Энхтуяа өдгөө жирийн нэгэн монгол эрийн хайр, халамжинд өлгийдүүлэн жаргалтай явна. Рок стилийн залуу Г.Энхтуяад ихэд халамжтайгаа харуулж, үе үе хацрыг нь илж, хайраа илэрхийлсээр байсан нь анхаарал татсан юм. Сэтгүүлч Амбасэлмаа гуай хэлсэн байдаг даа “Энэ л хүний дэргэд байгаад байх юмсан гэж бодогдтол хайр, халамжийг бүсгүй хүнд үзүүлэх хэрэгтэй” гэж. Ийм л эрийг бүсгүй хүн насан үүрд хүлээж, эс бөгөөс насаараа ч хамаагүй ганцаараа явах эр зориг эмэгтэй хүн бүрд байдаг даа.
