Говь-Алтай аймгийн Цээл суманд тарваган тахлын сэжигтэй тохиолдлоор 15 настай, эрэгтэй хүүхэд өнөөдөр 10-11 цагийн орчимд нас баржээ.
Сумын төвөөс 50 км зайд Дэрстэй багийн нутаг Хүн толгойт гэх газар эл харамсалтай явдал болжээ. Сэжигтэй тохиолдлын нэгдүгээр хавьтлын таван хүнийг гэр барьж тусгаарласан бол бусад хавьтлыг тодруулахаар ажиллаж байна.
Яг одоо Цээл суманд аймаг, сумын холбогдох албадын гучаад хүний бүрэлдэхүүнтэй онцгой комисс газар дээр нь ажиллаж, задлан шинжилгээ хийж байгаа юм байна. Талийгаач долоо хоногийн өмнө тарваганы мах идсэн гэх мэдээллийг эргэн тойрны хүмүүс нь хэлжээ.