Өнгөрсөн 24 цагийн хугацаанд 2,400 хүнээс коронавирусийн халдвар илэрлээ. Ингэснээр улсын хэмжээнд бүртгэгдсэн нийт тохиолдол 93,557 болсон. Тэгвэл УИХ-ын гишүүн асан Л.Эрдэнэчимэг коронавирусийн халдвар авчээ.
Тэрбээр өөрийн цахим хуудаснаа “Ковид тусчээ. Астразэнэка 2 тунгаа хийлгээд 2 сар болсон ч гэсэн тусдаг л юм байна. Гэхдээ ханиалгаж, нус гоожихоос өөр шинж тэмдэг алга байна. Амт үнэр хэвийн байна. Эмнэлэг олдохгүй учир өөрийгөө эмчилж эхэлсэн.
Фарипиравир схемээр ууж байна. Ковидийн үндсэн эмчилгээ байгаа юм. Khurelbaatar Luvsan ахынхаа зохион бүтээсэн Чун5 танг ууж байна. Энэ тан клиник туршилтын шатандаа яваа. Тиймээс өөр дээр туршиж байгаа.
За тэгээд мэдээж Д,С ууна. Аспирин ууна. Фуросолоор хоолойгоо зайлна.
Хоолоо сайн иднэ. Агаарт гарна” хэмээн өөрийн туршлагаа олон нийтэд хуваалцжээ.
Эргэн сануулахад тэрбээр алдарт эхийн одонгийн үед “Хөдөлмөрийн гавъяаны улаан тугийн одон”-оор шагнуулсан билээ.