Коронавирусийн халдварын тархалт эрчимжиж, Монгол Улсад бүртгэгдсэн тохиолдол өнөөдрийн байдлаар 4,340 болоод байна. Нийслэлд өвчлөл нэмэгдэхийн хэрээр аймгуудад ч тохиолдол эрчимтэй нэмэгдэж байна.
Зөвхөн өнөөдөр л гэхэд Хөвсгөл, Хэнтий аймагт анх удаа COVID-19-ийн батлагдсан тохиолдол бүртгэгдэв.
Тодруулбал, Хөвсгөл аймагт 7 тохиолдол, Хэнтий аймагт нэг тохиолдол шинээр батлагдаж, 2021 он гарснаас хойш Улаанбаатар хотоос орон нутагт зөөвөрлөгдсөн тохиолдол 20 болж, ДОЛООН аймагт (Төв, Хөвсгөл, Завхан, Хэнтий, Архангай, Дорноговь, Сэлэнгэ) бүртгэгдлээ.
Эдгээр долоон аймгийн тавд нь гуравдугаар сарын 1-нээс Улаанбаатар хотоос гарах хөдөлгөөнийг нээсний дараа халдвар зөөвөрлөгдсөн байна.
Үүнээс өмнө Архангай аймагт анх 2020 оны арваннэгдүгээр сарын 29-нд хоёр, арванхоёрдугаар сарын 1-нд нэг тохиолдол бүртгэгдсэнээс хойш халдвар огт бүртгэгдэлгүй гурван сар болоод байв.