“Хүний ээж” уран сайхны кинонд хараагүй охины дүрийг бүтээсэн МУСТА А.Ганчимэг амьддаа бие биенээ хайрлая гэж уриаллаа. Киногоороо хэлэх гэсэн санааны гол цөм нь энэ гэнэ. Киногоо хийх гэж хоёр жил дуншсан хоёр Ганаагийн уран бүтээл ийнхүү үзэгчдийн хүртээл болж эхэллээ.
Охиноо ганцаар өсгөж яваа өрх толгойлсон ээж нарын нэг МУСТА А.Ганчимэг зогсолтгүй хөдөлмөрлөсөөр байна. Ээж хүний үүрэг, хариуцлага, ганцаардлыг ч тэрбээр дааж, тэвчиж яваа нь мэдээж. Жүжигчин, найруулагч Б.Тамиртай нэг хэсэг дотноссон хэмээн сонсогдож байсан түүний хувийн амьдрал нууцлаг хэвээр байгаа юм.
