МАН-ын Хяналтын ерөнхий хороо өнөөдөр11.00 цагаас ХААЛТТАЙ хуралдахаар товлосон тухай мэдээлэл цацагдаад байна. Хуралдаанаар Хөгжлийн банкнаас зээл авсан, чанаргүй зээлдэгч нарт хариуцлага тооцох, намын гишүүдэд хариуцлага тооцох асуудлыг хэлэлцэж болзошгүй байна.
Хоёрдугаар сарын 11-нд болсон “Өөрөөр нь төлүүлье” хэлэлцүүлгийн үеэр МАН-ын Хяналтын ерөнхий хорооны дарга Б.Баярбаатар “МАН авлига, албан тушаалын хэрэг болон бусад гэмт хэрэгт холбогдсон нь хууль, хяналтын байгууллагаар тогтоогдоод, шалгагдаж эхэлсэн бол намын гишүүнээс түдгэлзүүлэхээр болсон. Энэ дагуу ёс зүйн алдаа дутагдал гаргасан бол зээлээ төлсөн төлөөгүй байх нь хамаарахгүй хариуцлага тооцно” хэмээн ярьж байсан билээ.
Түүнчлэн МАН-ын Үндсэн дүрэмд ч мөн авлига, албан тушаалын хэрэгт холбогдсон хүмүүсийг гишүүнээс түдгэлзүүлэх агуулга багтсан юм.
Тэгвэл, УИХ-ын гишүүнээр ажиллаж буй, МАН-ын гишүүнээс түдгэлзэх магадлалтай хүмүүсээр дараах эрхмүүд нэрлэгдэж байна:
- Х.Ганхуяг
- Г.Амартүвшин
- Х.Дамдинням
- С.Бямбацогт
- Ч.Ундрам
- А.Сүхбат