Тулгар төрийн 2230, Их Монгол Улс байгуулагдсаны 815, Ардын хувьсгалын 100 жилийн ойн Үндэсний их баяр наадмаа цаг үеийн нөхцөл байдалд тохируулан үзэгчгүй цахимаар зохион байгуулна гэж Засгийн газраас мэдэгдсэн. Улсын баяр наадамд нийт 3.2 тэрбум төгрөг төсөвлөсөн бөгөөд цахимаар зохион байгуулвал тодорхой хэмжээний мөнгө хэмнэнэ гэсэн юм.
Тэгвэл дээрх шийдвэрийг даваа гарагт өөрчилж, баяр наадмыг хойшлуулахаар яригдаж байна. Албаны эх сурвалжийн хэлж байгаагаар цахим наадмыг хойшлуулж, халдварын тохиолдол буурвал есдүгээр сард тэмдэглэхээр яригдаж байгаа аж. Цахим наадмыг хойшлуулах эсэхийг ирэх даваа гарагт УОК болон Засгийн газрын хурлаар эцэслэнэ.