Сүүлийн 2 жилийн хугацаанд нийгмээрээ хүнд өвчинтэй нүүр тулан соёл урлагийн салбарын үйл ажиллагаа завсардаад байгаа билээ. Тэгвэл энэ хугацаанд Жүжигчин Г.Ундармаа зүгээр хараад суухыг хүүссэнгүй.
“Ю Фильм” “Nomadia pictures” хамтран “ЯАРАЛТАЙ ТУСЛАМЖИЙН ТАСГИЙНХАН” 20 ангит кино төслийг эхлүүлжээ. Судалгаа болон кино зохиолын ажил 1 жил орчим үргэлжилсэн байна.
Тус төслөөр иргэдэд эрүүл мэндийн боловсрол олгох, эмч эмнэлгийн ажиллагсдын ажил, ахуй амьдралын талаар нийгэмд зөв ойлголтыг өгөх, мэргэжлийн онцлогийг харуулах, мөн эрүүл мэндийн салбарын ололт амжилт, алдаа оноог бодитоор харуулснаар салбарын цаашдын хөгжилд хувь нэмэр оруулах зорилго тавин ажилласан байна.
Тус киног 2022 оны 1–р сараас дэлгэцэнд гаргахаар төлөвлөсөн аж.
Ямартаа ч хүнд цаг үед соён гэгээрүүлэх үүргээ биелүүлж, соёл урлагийг орхигдуулалгүй ажиллаж байгаа уран бүтээлчдэд ажлын амжилт хүсье.