Өчигдөр буюу тавдугаар сарын 5-ны өдөр Баянзүрх дүүргийн нутаг дэвсгэрт байрлах “Цагаан хуаран” хотхоноос 30 орчим насны эмэгтэй унаж амиа алдсан.
Шалгалтын явцад талийгаач нь Төв аймгийн харьяат 28 настай эмэгтэй болох нь тогтоогджээ. Тэрээр тус хотхоны 11 давхрын орцны цонхоор үсэрч, өөрийнхөө амь насыг хохироосон байж болзошгүй байгаа аж.
Учир нь талийгаач сэтгэл гутралын хам шинж оноштойгоор Сэтгэцийн эрүүл мэндийн үндэсний төвийн хяналтад байдаг байсан ба өмнө нь амиа хорлох үйлдлийг удаа дараа гаргаж байжээ.
Түүнчлэн талийгаачийг Баянзүрх дүүрэг дэх цагдаагийн хоёрдугаар хэлтсээс сураггүй алга болсон хэмээн эрэн сурвалжилж байсан гэх мэдээлэл байна.