Өнөөдөр буюу энэ сарын 5-ны өглөө 07.40 цагт Хөвсгөл аймгийн нэгдсэн эмнэлэгт гурван ихэр хүүхэд мэндэлжээ. Ихрүүд 2.600, 2.400, 2.800 кг жинтэй төрсөн байна.
Ээж М.Нямгэрэл 2016 онд хүү төрүүлсэн бөгөөд хоёр дахь төрөлтөөрөө гурван ихэр хүү төрүүлжээ. Ингэснээр дөрвөн хүүтэй болж, ” Алдарт эх ” ийн хоёрдугаар одонгийн болзол хангалаа.
Ихрүүдийг Хөвсгөл аймгийн Нэгдсэн эмнэлгийн Төрөх тасгийн Ерөнхий мэргэжилтэн П.Отгонбаяр, их эмч Э.Инжир, эх баригч М.Энхболд болон төрөх тасгийн хамт олон мэс засал хийн, эсэн мэнд амаржуулжээ.
Монголын үрс маш олон болох болтугай.